La reson

La reson e à une cjase 

cuntune puarte scloteade: 

ducj a jentrin, 

ducj i cuchin 

tal camarin, e a pindulìn 

i dan une roseade. 

Tal cjôt nol va nissun, 

la puce di ledan 

no i si confâs: 

e je veretât che no si nase
o tuart che nol vâl un carantan. 

La reson 

e paie ben, sburte lontan 

cisiche dut un dret e dut un dret 

ti suste: 

jeur framieç di un cjamp di vene 

vele sglonfe in tramontan. 

La reson e je une strie 

dal sigûr: 

in bore i voi daûr de codope 

i pîts cence ongulis, 

denantdaûr. 

Traduzione: La ragione ha una casa/ con una porta traballante:/ tutti entrano/ tutti sbirciano/ nella cantina, e al salame/ danno un morso./ Nello stabbiolo non entra nessuno/ la puzza di letame/ non gli si confa:/ è verità che non si annusa/ o torto che non vale un soldo./ La ragione/ paga bene, spinge lontano/ sussurra continuamente e continuamente/ ti carica di rabbia:/ lepre in mezzo a un campo d’avena/ vela gonfia di tramontana./ La ragione è una strega,/ senza dubbio:/ di brace gli occhi dietro la nuca/ i piedi senza unghie/ rovesciati.