Piel

Di gnot
e sbrove, plene di grispis
di no podê tocjale, la piel
dal lat.
Neancje cuant che si sgrisule
cjareçade dai lavris,
o ancje dome dal lôr soflâ cun creance
sierade dentri
puarete, de tace sbecade.
 
Al è part dal sium, forsit,
e dal sigûr
al è la sen che lu sbreghe
doman.
Al è za
cumò, doman.
  
Chê altre piel, chê clipe,
si scrofe jù intun pigjame,
e clame
dongje coltre e cuviertôr e à la muse
che fronte il scûr
e i vencui che le cjalin di brut,
paurose,
un pôc prime
i vignaràn lis grispis. 

Poesie cjolte dal libri “Un cuarp cun dôs lenghis”.
Traduzion poetiche: Pelle.